洁茹's profileFish Jar。° º o OPhotosBlogListsMore  |  Tools Help |
Fish Jar。° º o O |
||||||||
There are no categories in use.
|
June 29 Something
今日一开始比一小三大四个女人搞到心情极之郁闷。先系一个小女人乱改我d野仲要唔比我阻止，跟住系一个满口“亲爱的”嘅大女人令我觉得极之呕心，最后系两个逼全车人听佢地用唔知讲咩嘅语言倾计嘅大女人逼到我差d想做出暴力行为…… 好彩，返屋企时系珠江边行嘅一个站，完全改变我嘅心情……珠江边，令我霖起细个时系姨婆度嘅快乐时光，行行下突然觉得心情开朗、轻松～～～等闲都系要多d去行下珠江边先得！！！ July 27 五月花到屋企～～～上个星期五，妈咪系朝早同我讲佢要打麻将，要我夜晚自己搞掂，于是我好期待呢个自由嘅夜晚（点解自由？因为唔使比妈咪逼住一定要吃饭咯～～～） 落班啦，一如以往甘同阿韵行到去五月花准备搭车，但系部243亦都一如以往甘等好耐都无车～～～于是我等下等下决定去bread talk买个面包做晚餐……买下买下面包我又觉得反正返到屋企都系自己一个人啦，甘早返到去都无乜野做，于是我又决定去到市二宫随心所好甘行返屋企…… 去到北京南嘅站，无乜企系度等车嘅冲动，又觉得北京南到市二宫都系两三个站，于是，我又做出一个重大嘅决定，果日我要行返屋企…… 途中我经过海珠桥，一条我细细个成日行（注意：真系行喔）嘅桥，但系好似依家连搭车都好少经过……发现佢好似同以前无乜唔同，可能最大嘅唔同就系桥底果d充满异味嘅隆已经封住晒，唔可以又果度过桥嘅另一边啦……于是我只好行海珠桥附近嘅果条天桥果马路，发现佢都系无乜点变，其实系成条江南大道北都无乜点变～～～行返果度，好容易就会回想起妈咪细细个果时带我去姨婆度果时嘅情景……有d希望可以变返果时甘细添（因为依家d小朋友衫都好靓啊！！！） 既然都去到市二宫啦，甘就无乜理由唔行入去五中果边睇睇啦！条路同以前好似无乜唔同，但系好似好冷清甘，可能因为放假呱……去到五中门口，发觉佢真系靓左好多，偷偷睇左下里面，觉得真系唔同左好多……我又不禁问一句：点解d学校都系系我毕业之后先变靓，无论系宝玉直，五中，甚至系华农？？？ 行完入五中，我终于又行返去成日行嘅南田路，一步一步甘迈向屋企啦（途中有少少行错方向，去左肥猪唛果边，买完零食又行返正途啦 六点十五分终于行到返屋企啦，由五月花到我屋企具体有几远，缺乏距离甘嘅我真系唔知啦，大概应该都几远吧……但系唔知点解有种想每个星期行一次嘅冲动～～～但系冲动可唔可以化为行动呢？呵呵，我都唔知 June 29 Last Week at School~~~原本定左6月14同我地班嘅人一齐去学校嘅各个角落着住学士袍影相嘅，可惜事与愿违，14号我要培训，就甘就错过左呢个大好机会 不过好彩我之后仲有机会返学校，系果几次仅有返学校嘅机会入边，我罗住部dc影左学校好多靓景仲同我可爱嘅室友们一齐去左图书馆同五山捣乱…… P.S.由于果时正系学校期末校前夕，要对果d比我地打搅左复习师弟师妹们讲声对唔住……
揾唔揾到我地呢？
去完图书馆几日我地就向五山进发啦……
教四嘅合照
捣乱证据
原本无晒着落嘅毕业生晚会终于系我地学生自己嘅努力下出左黎，晚会同之后嘅宵夜亦变左我地最后嘅放肆～～～
随住我地宿舍一个一个甘搬野走，我地终于都要真真正正甘毕业啦，大家都返去自己要去嘅地方，真系希望以后都不停甘有好似读书果时d甘放肆嘅生活！！I will remember you, all my friends, forever!!! June 21 毕业典礼5月7日——大学最后一堂课；
5月25日——论文答辩；
6月15日——影毕业相……
系一个个标志性嘅日期背后，预示住我毕业嘅日子越黎越近啦～～～
6月以来，广州暴雨不断，系影毕业相之前我仲一直系度霖：我地影毕业相会唔会话因为落雨要改期呢……
但系，或者因为父亲节嘅关系，连天都唔想众多父亲失望而回，居然系6月15日呢一日黎个大晴天，等我地可以顺利影好毕业相～～～
 6月15日嘅朝早七点半，我地一家三口由屋企出发，迈向学校……（PS. 系呢度，要隆重多谢一下海叔叔，为我地做左次免费司机
 )去到学校礼堂我地就迫不及待甘揾同学影相留念，当然我都唔例外，所以靓相要出场啦～～～
首先当然系我同薯薯嘅靓相啦
 505之五
何高大颁学位比我
我同bear & her nephew(so cute
 )我同小甜
我同cici
我同姆明们
广州帮
好大一班人
班集体相
顶帽其实想锭落假清华同Peter度架，点知佢地话甘快闪走左
行过路过千奇唔好错过啊，有两个靓仔啊～～～
亲友们
假学士 我们仨(
 送比佢地嘅）毕业相影完啦，毕业嘅日子越黎越近啦，心入边越黎越唔舍得，越黎越挂住一大班同学坐系课室入边打打闹闹嘅日子……
I will miss you, my friends, forever!!! June 07 笑话一个～～～最近听到一个笑话觉得好搞笑，决定分享一下……
话说呢排是写论文嘅高峰时期，多数话题都离唔开论文……
有一位副教授系指导学生时经常叫学生按要求修改（好合理嘅一个要求，但系问题系佢从来都未话过比学生听要求系咩）。
有一日，副教授又要学生修改论文啦。佢叫学生，要系论文入边加d definition（都系好合理嘅一个要求，问题又黎啦，英文方面根本无呢方面嘅definition，学生都系系中文著作入边揾到嘅定义）……
学生无所适从，最尾学生终于揾到解决方法啦，就系为自己翻译嘅定义揾一个合适嘅英文名，加上引号，甘就系一个完美嘅引用啦……
 甘搞笑嘅事居然发生系口口声声话论文创造要严谨嘅外国语学院英语系副主任、“伪”清华副教授嘅身上……
对于呢个假清华，我地净系有两个字想同佢讲：去死！！！ |
|
||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
